Mexico oo sheegtay inay ka soo baxday heshiiskii ay la gashay Mareykanka

Mexico ayaa sheegtay inay 56% wax ka qabatay tirada muhaajiriinta aan la diwaangelin ee u gudbaya xadka Mareykanka tan iyo May.

Xoghayaha arrimaha dibadda dalkaas Marcelo Ebrard ayaa shir jaraa`id oo ay dowladdu qabatay kaga dhawaaqay hoos u dhaca tirada muhaajiirinta.

Labada dal ayaa bishii June isku raacay howlgal 90-maalmood soconaya oo lagu yareynayo qulqulka muhaajiriinta u gudbaya xadka Mareykanka.

Madaxweyne Donald Trump ayaa ku hanjabay inuu canshuuraha ku kordhin doono dabeecada ka timaadda Mexico haddii aysan wax ka qaban arrintaas.

Saraakiil, u ku jiro Mr Ebrard, ayaa lagu wadaa inay toddobaadka soo socda u safraan Washington si ay ugala hadlaan dadaallada ay wadaan.

Muxuu heshiisku ahaa?

Mr Trump ayaa ku dhawaaqay bishii June in Mareykanka u heshiis 90-maalmood ah la galay Mexico kaasoo lagu yareynayo qulqulka qaxootiga Ameerikada Dhexe ka soo galaya ee u gudbaya waqooyiga.

Heshiiska waxaa ka mid ahayd in labada dal ay si dhow iskula kaashadaan, isla markaana ay Mexico kumannaan ciidamo ah geyso xadkeeda.

Mr Trump weli kama hadlin hadalka Mexico, balse horraantii toddobaadkan ayuu ammaanay dadaallada ay waddo

Be the first to comment

Leave a Reply

Your email address will not be published.


*